مغربی بنگال کے دارالحکومت کولکاتا کے جنوبی کولکاتا میں واقع ہری دیب پور تھانہ علاقے میں پولیس نے ایک آٹو رکشہ سے تازہ بم اور کارتوس برآمد کیا۔ گھنی آبادی والا علاقے میں سڑک کے کنارے کھڑی آٹو رکشہ سے ہتھیاروں کا ذخیرہ برآمد ہونے سے علاقے میں سنسنی پھیل گئی۔ ذرائع کے مطابق پولیس نے خفیہ اطلاع کی بنیاد پر ہری دیب پور تھانہ علاقے میں چھاپہ ماری مہم چلائی۔ شک کی بنیاد پر سڑک کے کنارے کھڑی آٹو رکشہ کی تلاشی لی گئی۔پولیس نے آٹو رکشہ سے 19 تازہ بموں اور ایک درجن سے زائد کارتوش برآمد کئے۔ ہتھیاروں کا ذخیرہ برآمد ہونے کے بعد علاقے میں بڑے پیمانے پر چھاپہ ماری مہم چلائی جا رہی ہے۔ Kolkata police recovered weapons and ammunition
- یہ بھی پڑھیں: Illegal Arms Factory Seized in Noida, Five Arrested: نوئیڈا میں غیر قانونی اسلحہ ساز فیکٹری پکڑی گئی، پانچ گرفتار
پولیس نے کہا کہ پورے معاملے کی تفتیش کی جا رہی ہے۔ آٹو رکشہ کے مالک کا پتہ چل گیا ہے۔ اس کی تلاش جاری یے لیکن اب تک اس کی گرفتاری عمل میں نہیں آئی ہے۔ پولیس نے مزید کہا کہ 'حالیہ دنوں میں جنوبی کولکاتا کے مختلف علاقوں میں جھڑپیں ہوئیں تھی اس کے لئے ہتھیاروں کا ذخیرہ آٹو رکشہ میں چھپا کر رکھا گیا تھا۔' واضح رہے کہ جنوبی کولکاتا کے بہالہ، لیک گارڈنس اور قصبہ علاقہ میں چند روز قبل سنڈیکیٹ سے جڑے لوگوں کے درمیان خونی جھڑپیں ہوئیں تھی جس میں متعدد افراد زخمی ہوگئے تھے۔'
