مغربی بنگال کے سالٹ لیک کے بکاش بھون میں واقع محکمہ تعلیم کے دفتر کے سامنے پیرا ٹیچرز نے تنخواہ میں اضا فہ سمت متعدد مطالبات پر احتجاج کیا۔
پیرا ٹیچرزکے احتجاج کے دوران پولیس نے بیریکیڈ کو توڑ کر محکمہ تعلیم کے دفتر میں داخل ہونے کی کوشش ناکام کی ۔
اس دوران پولیس اور اساتذہ کے درمیان دھکامکی ہوئی۔ پولیس کارروا ئی کے دوران بھگدڑ مچنے سے متعدد اساتذہ کے زخمی ہونے کی اطلاع ہے ۔
پولیس کا کہناہے کہ پی این بی موڑ پر اساتذہ نے محکمہ تعلیم کے دفتر میں جبراً داخل ہونے کی کوشش کی ۔ انہوں نے پولیس بیریکیڈ کو بھی نقصان پہنچایا۔
پولیس نے مزید کہا کہ بھگدڑ مچنے سے متعدد افراد زخمی ہو گئے۔ زخمیوں کو نزدیکی ہسپتال میں داخل کرایا۔ کسی کی گرفتاری عمل میں نہیں آ ئی ہے۔ احتجاجیوں کو سڑک سے ہٹا کر گاڑیوں کی آمدورفت دوبارہ بحال کی گئی۔
پیرا ٹیچرز کا کہنا ہے کہ احتجاج کے دوران پولیس نے کارروائی شروع کردی۔ پولیس نے کئی پیرا ٹیچرز کو حراست میں لیا ہے۔ پولیس کی کارروائی کے دوران متعدد افراد زخمی بھی ہوئے ہیں۔
