کشن ریڈی آج دہلی میں الیکشن کمیشن کے تبصرہ پر پوچھے گئے سوال کا جواب دیتے ہوئے کہا کہ ’یہ نہ صرف الیکشن کمیشن کے مبصرین کا کہنا ہے بلکہ عام لوگ بھی یہی سونچتے ہیں۔
انہوں نے کہا کہ ’ترنمول کانگریس کے کارکن اور مغربی بنگال کی پولیس بھی جانتی ہے کہ یہ سب ڈرامہ ہے جبکہ ممتا بنرجی سے لوگوں کی بھی ہمدردی اب کم ہوگئی ہے‘۔
ممتا بنرجی 10 مارچ کو نندی گرام میں انتخابی مہم کے دوران زخمی ہوگئی تھیں جبکہ انہوں نے حملہ کی سازش کا الزام عائد کیا تھا۔ ابتدائی طبی رپورٹ میں ممتا بنرجی کے بائیں پیر اور ٹخنے پر شدید چوٹوں کی تصدیق کی گئی تھی۔ انہیں 12 مارچ کو ہسپتال سے ڈسچارج کردیا گیا۔
مغربی بنگال کی 294 سیٹوں کے لیے 8 مراحل میں اسمبلی انتخابات منعقد ہوں گے تاہم پہلے مرحلہ کے تحت 27 مارچ ووٹ ڈالے جائیں گے۔
