مغربی بنگال کے ضلع مغربی مدنی پور کے گھٹال سے تعلق رکھنے والے روپک سہا مشکلات اور پریشانیوں کی وجہ سے اعلیٰ تعلیم کے حصول کا موقع ضائع کرنا نہیں چاہتے تھے۔گھٹال اور کولکاتا کے درمیان معمول کے مطابق بسیں نہیں چل ری ہیں۔ جو بسیں چل رہی ہیں اس میں معاشرتی فاصلے کا خیال نہیں رکھا جاتا ہے۔کورونا کے خوف کی وجہ سے روپک سہا کے والد بیٹے کو بس میں بھیجنے کو تیار نہیں تھے۔ اس لیے امتحان کے مرکز بھیجنے کے لیے ایک موٹر سائیکل کا انتظام کیا تاکہ وہ گھٹال سے کولکاتا جاسکے۔
روپک سہا کے والد منریگا میں کام کرتے ہیں۔ روپک نے رام چندر شیشو مندر سے تعلیم حاصل کی ہے۔ روپک اور اس کے والد آج صبح 3.30 بجے موٹر سائیکل کے ذریعہ گھر سے نکل گئے تاکہ وقت پر سالٹ لیک میں واقع امتحان سینٹر پہنچ سکے۔
روپک کے والد نے کہا کہ وہ اپنے بیٹے کی خواہش اور تعلیم حاصل کرنے کے جذبے کو پورا کرنے کے لیے سب کچھ کرنے کو تیار تھے۔ بنگال میں نیٹ کے امتحان کے کل 15 ٹسٹ مراکز ہیں۔
مشکلات میں نیٹ اور جی ای ای امتحانات کا انعقاد
مغربی مدنی پور اور اس کے ملحقہ علاقوں میں کوئی بھی امتحان مراکز نہیں ہے۔ امتحانات کے مراکز کولکاتا، سلی گوڑی اور دیگر علاقے میں ہے۔ اس لیے فارم بھرتے وقت روپک سہا نے امتحان کے مراکز کا انتخاب کولکاتا کا کیا۔ روپک نے اسی برس گاؤں میں سب سے زیادہ نمبر لے کر ہائر سیکنڈری پاس کیا ہے۔
ٹسٹ کے فارغ ہونے کے بعد روپک سہا نے کہا کہ ان کے علاقے میں سیلاب ہے اور کورونا وائرس کے کیسز کی تعداد میں بھی اضافہ ہو رپا ہے۔ تمام تر خطرات کے باوجود وہ اس موقع کو ضائع کرنا نہیں چاہتے تھے۔ اس لیے وہ 300 کلو میٹر مسافت طے کرکے یہاں امتحان دینے آئے ہیں۔
روپک نے کہا کہ میں 13 ستمبر کو آل انڈیا میڈیکل داخلہ امتحان میں بھی شرکت کروں گا۔ امتحان سینٹر درگاپور میں ہے۔ میں ڈاکٹر بننا چاہتا ہوں۔
