مغربی بنگال کے دارالحکومت کولکاتا میں دو گروہوں کے درمیان جھڑپ میں ایک شخص ہلاک جبکہ دوسرا زخمی ہو گیا ہے۔
کولکاتا کے ضلع بیربھوم میں ایک قرنطینہ سینٹر بنانے کی خبر سامنے آنے کے بعد دو گروہوں میں یہ جھڑپ ہوئی ہے۔
مقامی لوگوں کے مطابق 'علاقے میں ماحول تب خراب ہوا جب حکومت کی ایک ٹیم پروئی گاؤں میں قرنطینہ سینٹر کے لیے جگہ کا معائنہ کرنے آئی اور بعد میں چلی گئی'۔
لوگوں کا کہنا ہے 'اس کے بعد گاؤں میں دو گروہوں کے درمیان جھڑپ ہوئی جس میں دونوں طرف سے فائرنگ اور گولے داغے گئے'۔
اس جھڑپ میں فائرنگ کی وجہ سے ایک نوجوان کی موت ہو گئی جبکہ ایک دوسرا جوان زخمی ہو گیا۔
جس کے بعد صورتحال پر قابو پانے کے لیے گئی رات گاؤں میں پولیس کی ایک بڑی نفری تعینات کی گئی تھی۔
