مغربی بنگال کے شہری ترقیاتی وزیر فرہاد حکیم کا کہنا ہے کہ تنقید کرنا دنیا کا سب سے آسان کام ہے. تنقید برائے تعمیر ہر کسی کی بس کی بات نہیں ہوتی ہے.
انہوں نے کہا کہ وزیر اعظم نریندرمودی نام لئے بغیر بنگال کے بارے بہت کچھ کہہ چکے ہیں. وزیر اعظم کو بنگال کا علم ہے لیکن دوسری ریاستوں کے حالات سے لا علم ہیں.
وزیر فرہاد حکیم کا کہنا ہے کہ حقیقت یہ ہے کہ مغربی بنگال ملک کی سب سے پر امن ریاست ہے جہاں عام لوگوں کی جان نہیں لی جاتی .
ترنمول کانگریس کے رہنما کے مطابق بنگال کے عوام گاندھی جی کے نقش قدم پر چلنے کی ترجیح دیتے ہیں. جس ریاست میں گاندھی جی کے نقش قدم پر چلنے کی اہمیت دی جاتی یے وہاں تشدد کے لئے کوئی جگہ نہیں ہے.
تجربہ کار سیاسی رہنما کا کہنا ہے کہ بی جے پی کی قیادت والی مرکزی حکومت کو اگر ریاستیوں کی سکیورٹی کے بارے بات کرنی ہے تو ٹھیک ہے. اس کے ساتھ ساتھ اترپردیش, گجرات, مدھیہ پردیش اور بہار کے بارے میں بات چیت کرنی ہوگی.
کولکاتا میونسپل کارپوریشن کے چیف ایڈمنسٹریٹر فرہاد حکیم کا کہنا ہے کہ بی جے پی کے ریاستی صدر دلیپ گھوش کے قافلے پر حملے کے بارے میں کیسے کچھ کہہ سکتا ہوں.
انہوں نے کہا کہ ترنمول کانگریس نفرت اور تشدد کی سیاست میں یقین نہیں رکھتی ہے. جو لوگ تشدد کی سیاست کو ہوا دیتے ہیں وہ اس کا جواب بہترین ڈھنگ سے دے سکتے ہیں.
فرہاد حکیم کا کہنا ہے کہ مغربی بنگال کے عوام مذہب اور نفرت کی سیاست کرنے والوں کو سبق سکھانے کے لئے پوری طرح سے تیار ہیں صرف وقت کا انتظار ہے.
