خطاب کے دوران انہوں نے بنگال کے لوگوں سے کہا کہ 'آپ کو این آر سی سے خوفزدہ ہونے کی کوئی ضرورت نہیں۔ بنگال میں کسی صورت این آر سی کرنے نہیں دیں گے میں آپ لوگوں کی پہرے دار بنوں گی۔'
ممتا بنرجی نے آج سلی گوڑی میں کہا کہ' شہریت ترمیم بل کے نام لوگوں میں تفریق برداشت نہیں کریں گے بنگال میں کسی طور پر ہم این آر سی کا نفاذ کرنے نہیں دیں گے، این آر سی اور بنگال کے درمیان میں ڈھال بن کر کھڑی ہو جاؤں گی۔'
انہوں نے بی جے پی رہنماؤں کی این آر سی کو لیکر بار بار دھمکی آمیز بیانات کے سبب ہی ریاست کے عوام میں بے چینی پائی جا رہی ہے ۔این آر سی کے خوف سے اب تک متعدد افراد خودکشی کر چکے ہیں ۔
انہوں نے کہا کہ 'شہریت ترمیم بل کے نام پر لوگوں میں تفریق اور نفرت پھیلانے کی کوشش کی جا رہی ہے جسے ہم ہر گز برداشت نہیں کریں گے۔'
جلسے سے خطاب کرتے ہوئے انہوں نے مزید کہا کہ'بنگال میں کسی حال میں این آر سی کا نفاذ نہیں ہوگا ،این آر سی کے سلسلے آپ لوگ اطمنان رکھیں ووٹ کا حق ہونے کا مطلب ہے کہ آپ اس ملک کے شہری ہیں جن کے پاس ووٹ دینے کا حق ہے ان کو کہیں نہیں بھیجا جائے گا سب کو بنگال میں رہنے کا حق ہے کہیں جانے کی ضرورت نہیں ہے بنگال امن چاہتا ہے۔'
