Leaders Distance from Protest in Bengal: اقلیتی طبقے کے سیاسی رہنماؤں کے جلسہ و جلوس سے دوری پر سوال

حکمراں جماعت ترنمول کانگریس کے بیشتر اقلیتی طبقے کے سیاسی رہنماؤں نے ریاست بھر میں گستاخ رسول نپور شرما اور نوین جندال کے خلاف ہونے والے جلسہ و جلوس سے پوری طرح غائب رہے۔ Leaders Distance from Protest in Bengal

مغربی بنگال کے تمام اضلاع میں رسول اللہ کی شان میں گستاخی کرنے والوں کے خلاف بڑے پیمانے پر احتجاجی جلوسوں کے اہتمام کا سلسلہ جاری ہے لیکن کسی بھی اضلاع میں اقلیتی طبقے کے رہنماؤں کو قدم سے قدم ملا کر چلتے ہوئے نہیں دیکھا گیا ہے. دارالحکومت کولکاتا سے متصل ہوڑہ، شمالی 24 پرگنہ جنوبی 24 پرگنہ، مالدہ اور مرشدآباد ضلع کے بیشتر مسلم اکثریتی علاقوں میں گزشتہ آٹھ جون سے گستاخ رسول نپور شرما اور نوین جندال کے پرتشدد مظاہرے کا سلسلہ جاری ہے. ریاست کے اقلیتی طبقے کے وزراء اور سیاسی رہنماؤں نے ملی اداروں کے گستاخ رسول کے خلاف زیر جلسہ و جلوس سے خود کو الگ تھلگ رکھا۔ Leaders Distance from Protest in Bengal

اقلیتی طبقے کے لوگوں کے ووٹوں کی بدولت اقتدار میں آنے والی ترنمول کانگریس کی سربراہ ممتابنرجی پہلے ہی واضح کر چکی تھی کہ جس کو احتجاج کرنا ہے وہ دہلی جا سکتا ہے. وزیراعلیٰ ممتابنرجی کے اس مشورے کے بعد اقلیتی طبقے کے سیاسی رہنما رسول اللہ کی شان میں گستاخی کرنے والوں کے خلاف سڑکوں پر کیسے اترنے سے گریز کرتے نظر آئے. ریاست میں گزشتہ روز 10 جون کو ہوئے جلسہ و جلوس سے ایک دن پہلے ہی اقلیتی طبقے کے رہنماؤں نے مسلمانوں کو سڑکوں پر آنے کے بجائے محلے محلے اختجاج کرنے کا مشورہ دیا تھا۔

تاریخی شہر میٹیابرج سے لےکر مسلم اکثریتی اضلاع مالدہ،مرشدآباد، شمالی دیناج پور میں علماء کرام نے رسول اللہ کی شان میں گستاخی کرنے والوں کے خلاف پرامن احتجاجی ریلی کی قیادت کی. ان مسلم اکثریتی اضلاع میں بڑے اور مشہور اقلیتی طبقے کے رہنما جلسہ و جلوس سے غائب رہے. عام لوگوں نے بھی ان رہنماؤں کو اجتجاجی جلسے سے دور رکھنے کو ترجیح دی۔