ممتا بنرجی نے وزیراعظم نریندر مودی سے ان کی رہائش گاہ پر ملاقات کی اور انہین گلدستہ بھی پیش کیا۔
نریندر مودی کے دوسری مرتبہ وزیر اعظم بننے کے بعد ترنمول رہنما کی ان سے یہ پہلی ملاقات ہے۔
ممتا بنرجی نے مودی حکومت کی دوسری میعاد شروع ہونے کے فوراً بعد بلائی گئی نیتی آیوگ کی گورننگ کونسل کی کے اجلاس میں شرکت نہیں کی تھیں جبکہ انہوں نے پارلیمنٹ سیشن سے قبل بلائی گئی مختلف پارٹیوں کے سربراہوں کے اجلاس میں بھی شرکت نہیں کی تھی۔
مختلف مسائل سے متعلق مرکزی حکومت اور مغربی بنگال حکومت کے درمیان نوک جھوک جاری ہے۔
وزیراعظم سے میٹنگ کے بعد ممتا بنرجی نے کہا کہ 'میں نے وزیراعظم سے ریاست کا نام تبدیل کرنے میں مدد کی درخواست کی ہے اور انہوں نے یقین دہانی کروائی ہے کہ وہ اس معاملے میں ہرممکن کوشش کریں گے۔
