کولکاتا: وزیراعلیٰ ممتا بنرجی نے عید الفطر سے ایک دن قبل جنوبی کولکاتا کے بھوانی پور اسمبلی حلقے میں واقع شولہ آنا مسجد کا دورہ کیا اور وہاں موجود عام لوگوں سے ملاقات کی، ملک کی دوسری ریاستوں کی طرح مغربی بنگال میں بھی عید کی تیاریاں زور شور سے جاری ہے، اسی درمیان وزیراعلیٰ ممتا بنرجی ریاستی سیکرٹریٹ بلڈنگ نبنو سے گھر واپس لوٹنے کے دوران راستے میں شولہ آنا مسجد کا دورہ کیا۔ Mamata Banerjee Visits Sola Ana Masjid
وزیراعلیٰ ممتا بنرجی شولہ آنا مسجد کے احاطے میں چند منٹوں تک رکیں اور وہاں موجود لوگوں سے ملاقات کی، شولہ آنا مسجد کے دورے کے دوران مغربی بنگال کے وزیر اور کولکاتا میونسپل کارپوریشن کے مئیر فرہاد حکیم بھی موجود تھے، وزیراعلیٰ ممتا بنرجی نے خوشیوں کا تہوار عید کے موقع پر اقلیتی طبقے کے لوگوں کے ساتھ ساتھ اہل بنگال کو مبارکباد دی اور دل کھول کر عید منانے اور دوسروں کے درمیان خوشیاں تقسیم کرنے کا مشورہ دیا۔
مزید پرھیں:
واضح رہے کہ مغربی بنگال کی وزیراعلیٰ ممتا بنرجی عید کے موقع پر ریاست کی مختلف مساجد کا دورہ کرتی ہیں اور لوگوں سے ملاقات کرتی ہیں، اس کے علاوہ وزیراعلیٰ ممتا بنرجی تاریخی روڈ پر ہونے والی نماز عید کے دوران بھی وہاں موجود رہتی ہیں۔
