کانگریس کے ساتھ جلد ہی سیٹوں کی تقسیم پر بات ہوگی:بمان بوس

پہلے لیفٹ فرنٹ اور کانگریس کے درمیان اتحاد ہونے کے باوجود الگ الگ جلسہ و جلوس کی قیادت کی جا رہی تھی۔ لیکن اب دونوں پارٹیوں کی جانب سے مشترکہ حکمت عملی کے تحت انتخابی سرگرمیاں چلانے کا فیصلہ کیا گیا ہے۔

مغربی بنگال کے دارالحکومت کولکاتا میں لیفٹ فرنٹ کے ریاستی چیئرمین بمان بوس نے کور کمیٹی کی میٹنگ کے بعد کہا کہ لیفٹ فرنٹ اور کانگریس کے درمیان اتحاد پر مہر لگ چکی ہے۔ دونوں پارٹیوں کی مشترکہ حکمت عملی کے بدولت حکمراں جماعت ترنمول کانگریس اور بی جے پی کے خلاف انتخابی میدان میں اترنے کی بھی تیاری مکمل کر لی گئی ہے۔

پہلے لیفٹ فرنٹ اور کانگریس کے درمیان اتحاد ہونے کے باوجود الگ الگ جلسہ و جلوس کی قیادت کی جا رہی تھی۔ لیکن اب دونوں پارٹیوں کی جانب سے مشترکہ حکمت عملی کے تحت انتخابی سرگرمیاں چلانے کا فیصلہ کیا گیا ہے۔انہوں نے کہا کہ لیفٹ فرنٹ اور اس کی سولہ حلیف جماعتوں کے رہنماؤں کو لے کر میٹنگ کی جا چکی ہے۔تمام حلیف جماعت سیٹز کی تقسیم جلد سے جلد کرنے کو لے کر دباؤ بنا رہے ہیں۔تمام سیاسی جماعتوں کے رہنماؤں کے رائے مشورے کے بعد ہی سیٹز کی تقسیم پر کام شروع کیا جائے گا۔

کولکاتا کے بریگیڈ میدان میں تاریخی بریگیڈ ریلی 28 فروری اور سات مارچ کو منعقد کیا جائے گا۔

بریگیڈ ریلی میں راہل گاندھی سمیت کانگریس کے تمام رہنماؤں اور بی جے پی مخالف سیاسی جماعتوں کے رہنماؤں کو مدعو کرنے کا فیصلہ کیا گیا ہے۔