مغربی بنگال کی وزیر اعلیٰ ممتا بنرجی کے ترقیاتی منصوبوں میں سے ایک لکشمی بھنڈار سے ریکارڈ خواتین جڑ چکی ہیں جس کی تعداد تقریباً پونے دو کروڑ تک پہنچ چکی ہے۔
ریاست کے بیشتر اضلاع میں لکمشی بھنڈار اسکیم کے تحت خواتین کے اکاؤنٹ میں فی ماہ 500-500 روپے آنے کا سلسلہ شروع ہو چکا ہے۔
اسی درمیان شمالی 24 پرگنہ کے بنگاؤں تھانہ کے تحت کالیکا پور علاقے میں لکشمی بھنڈار اسکیم کے تحت روہے نہیں ملنے پر خواتین نے بینک کے احتجاج کیا اور ناکہ بندی کر دی۔
احتجاج کرنے والی خواتین کا کہنا ہے کہ اکاونٹ میں لکشمی بھنڈار اسکیم کے تحت 500روپے آنے کے باوجود نہیں دیا جا رہے ہیں۔
بینک کے ملازمین کورونا وائرس کے نام پر خواتین کو بینک میں داخل ہونے نہیں دیتے ہیں۔انہوں نے کہا کہ اس کے ساتھ ساتھ بینک ملازمین لکشمی بھنڈار اسکیم کے تحت رقم دینے میں لاپرواہی برتتے ہیں جس کی وجہ سے انہیں (خواتین) کو بڑی دشواریوں کا سامنا کرنا پڑ رہا ہے۔
- یہ بھی پڑھیں:تعلیمی اداروں میں مکمل سرگرمیاں بحال کی جائے- ایس آئی او
- گجرات کے آنند میں ہندوؤں کا مسلمان کے ریستوران کھولنے پر احتجاج
- شمالی24 پرگنہ: بچوں کے لیے تعلیم اور بڑوں کے لیے ووکیشنل ٹریننگ کا منصوبہ
مظاہرے کی قیادت کرنے والی شیخ رخسانہ نے کہا کہ بینک سروس مایوس کن ہے. پہلی بات کورونا وائرس کے نام پر خواتین کو بینک کے اندر داخل ہونے نہیں دیا جاتا ہے اور دوسری طرف ملازمین لاپرواہی کا مظاہرہ کرتے ہیں۔
واحدہ منڈل نام کی ایک خاتون کا کہنا ہے کہ ان کے موبائل پر اکاؤنٹ میں روہے آنے کا پیغام آچکا ہے۔ لیکن وہ جب گئی تو انہیں بتایا گیا کہ ان کے اکاؤنٹ میں رقم نہیں آئی ہے۔
پولیس نے خواتین کو سمجھا بجھاکر ناکہ بندی ختم کرائی اور گاڑیوں کی آمدورفت دوبارہ بحال کرائی۔ پولیس کا کہنا ہے کہ اس معاملے میں کیا کہا جاسکتا ہے۔ خواتین کی شکایت پر بینک انتظامیہ سے بھی بات چیت کی گئی۔
