مغربی بنگال کے خلیج بنگال میں ہواوں کے دباو کے بعد اٹھنے والے طوفان بلبل سے نمٹنے کے لیے ریاستی حکومت اور کولکاتا میونسپل کارپوریشن کی تیاری مکمل ہو گئی ہے۔
ریاستی وزیرفرہاد حکیم نے کہاکہ ہمارے پاس طوفان بلبل سے متعلق تمام جانکاری ہے۔ اس سے نمٹنے کے لیے تمام متعلقہ اداروں کو خبردار کردیا گیا ہے۔
انہوں نے کہاکہ کولکاتا اور اس کے اطراف میں طوفان بلبل سے نمٹنے کے لیے الرٹ جاری کیا گیا ہے۔طوفان کے وقت لوگوں کواپنے اپنے گھروں سے باہر نہ نکلنے کی ہدایت دی گئی ہے۔
خلیج بنگال میں طوفان بلبل کے آنے سے قبل علی پور محکمہ موسمیات نے سمندری علاقے میں رہنے والے لوگوں کے لیے الرٹ جاری کیا ہے ۔اس کے علاوہ ماہی گیروں کو سمندرمیں نہ جانے کی ہدیت دی ہے۔
علی پور میں واقعہ محکمہ موسمیات کے مطابق خلیج بنگال میں بلبل نام کا طوفان خطرناک شکل اختیار کرسکتا ہے۔طوفان بلبل کی رفتار 150 سے170 کیلومیٹر فی گھنٹہ ہو سکتی ہے۔
خلیج بنگال کے ساتھ ساتھ سمندری علاقے دیگھا،مندار منی،تاج پور،سندربن،جھاڑکھالی،گوسابہ ،سنمدیش کھالی میں رہنے والے لوگوں کے لیے الرٹ جاری کیا گیا ہے۔
ریاستی وزیر فرہادحکیم کاکہنا ہے کہ طوفان کے مدنظر تمام افسران کی چھٹیاں معطل کردی گئیں۔تمام افسران کو 24 گھنٹہ متعلقہ اداروں سے رابطے میں رہنے کی ہدایت دی گئی ہے۔
