ناردا اسٹنگ معاملے میں سی بی آئی کے ذریعے مغربی بنگال حکومت کے دو وزیر، ایک رکن اسمبلی اور پارٹی کے ایک سابق رہنما کو گرفتار کیا گیا تھا، انہیں کولکاتا ہائی کورٹ نے ضمانت دے دی ہے۔
کولکاتا ہائی کورٹ نے جن رہنماؤں کو ضمانت دی ہے ان میں وزیر سبرت مکھرجی اور فرہاد حکیم، رکن اسمبلی مدن مترا اور کولکاتا کے سابق میئر شوبھن چٹرجی شامل ہیں۔ ہائی کورٹ نے ضمانت دیتے ہوئے کہا کہ یہ لوگ گھر میں نظر بند رہیں گے۔
معلوم ہوکہ ترنمول کانگریس پارٹی کے ان رہنماؤں کو سی بی آئی عدالت کے ذریعے دی گئی ضمانت پر پیر کی رات روک لگادی گئی تھی۔
