کولکاتا: بھارتی کرکٹ ٹیم کے سابق کپتان اور بی سی آئی کے سابق صدر سورو گنگولی نے جادو پور یونیورسٹی میں یونیورسٹی میں ہوئے ریکنگ کے و اقعات پر سخت رد عمل دیتے ہوئے یہ ایک انتہائی افسوسناک واقعہ ہے۔ ریگنگ کو روکنے کے لیے جلد قانون سازی کی ضرورت ہے۔
ایک پروگرام کے دورا ن سورو گنگولی سے جادو پور یونیورسٹی سے واقعہ سے متعلق پوچھا گیا تو انہوں نے کہا کہ یونیورسٹی پڑھنے کی جگہ ہے۔ یہی اصل مقصد ہونا چاہیے۔ ریگنگ کو روکنے کے لیے سخت قوانین سازی کی ضرورت ہے ۔سابق ہندوستانی کپتان نے اس پورے واقعے کی سخت مذمت کی۔ انہوں نے کہا کہ ایک تعلیمی ادارہ صحت مند ماحول کے بغیر کبھی نہیں چل سکتا۔ریگنگ سے پاک ماحول بنانے کی ضرورت ہے۔
جادوپور میں ایک طالب علم کی موت پر تعلیم، سول سوسائٹی اور سیاست میں کھلبلی مچ گئی ہے۔ کولکاتا پولیس کے ہوم سائیڈ ونگ نے اب تک سابق اور موجودہ طلباء سمیت نو افراد کو گرفتار کرلیا گیا ہے۔ جمعہ کو ایک طالب علم کو ہاسٹل لے جایا گیا اور پولیس نے اس رات کے واقعے کو دہراکر جانچ کرنے کی کوشش کی گئی ہے۔ پولیس ذرائع کے مطابق مزید کچھ لوگوں سے پوچھ گچھ کی جائے گی۔
