مغربی بنگال میں کورونا کے بڑھتے معاملوں کے درمیان وزیر اعظم نریندر مودی دو اور ملک کے وزیر داخلہ امیت شاہ آج تین بڑی ریلیوں سے خطاب کریں گے۔
اطلاعات کے مطابق مغربی بنگال میں ہورہے آٹھ مرحلوں میں اسمبلی انتخابات کے 5 ویں مرحلے کے لئے ووٹنگ جاری ہے۔ اگلے تین مراحل 22 ، 26 اور 29 اپریل کو ہوں گے۔
اس دوران وزیر اعظم مودی آج دوپہر 12 بجے مغربی بنگال کے آسنسول میں اور 3:02 منٹ پرگنگارام پور میں انتخابی جلسہ سے خطاب کریں گے۔
وہیں امت شاہ آج تین بڑی ریلیوں سے خطاب کریں گے سب سے پہلے وہ دن کے 12 بج کر 15 منٹ پر شمالی 24 پرگنا ضلع میں واقع آمڈنگا گاؤں میں روڈ شو کریں گے، اس کے بعد وہ دن کے 2 بجے چھپرا جائیں گے جہاں وہ انتخابی جلسہ سے خطاب کریں گے۔ آخرمیں 3 بج کر 45 منٹ پر اوسگرام میں ایک جلسہ سے خطاب کریں گے۔
مغربی بنگال میں آج 6 اضلاع کے 45 نشستوں پر ووٹ ڈالے جارہے ہیں۔ جبکہ پہلے 4 مراحل میں کل 135 نشستوں پر ووٹ ڈالے گئے ہیں۔
دوسری طرف کوویڈ ۔19 کے بڑھتے ہوئے معاملے کے پیش نظر الیکشن کمیشن نے جمعہ کے روز اپنے آئینی اختیارات کا استعمال کرتے ہوئے انتخابی مہم کے لئے وقت کم کرنے سمیت سیاسی جماعتوں کے ذریعہ تشہیر پر کچھ پابندیاں عائد کردیں ہیں۔
