مغربی بنگال میں اسمبلی انتخابات کے پیش نظر سیاسی سرگرمیاں عروج پر پہنچ چکی ہیں۔
بی جے پی کے ریاستی صدر نے ممتا بنرجی کی حکومت سے بلدیاتی انتخابات کرانے میں تاخیر کرنے پر سوال اٹھایا۔
انہوں نے ریاستی حکومت سے استفسار کیا کہ جموں و کشمیر میں کامیابی کے ساتھ انتخابات کرائے جا سکتے تو مغربی بنگال میں کیوں نہیں ہو سکتا ہے۔ کیا کولکاتا کے حالات جموں و کشمیر سے بھی خراب ہیں۔
دلیپ گھوش نے کہا کہ کولکاتا بلدیہ کے انتخابات پر وزیر اعلی ممتا بنرجی اکثر و بیشتر کہتی ہیں کہ فی الوقت ریاست میں حالات ٹھیک نہیں ہیں۔
کیا وزیراعلی ممتا بنرجی کے کہنے کا مطلب یہ ہے کہ مغربی بنگال کے حالات جموں کشمیر سے بھی خراب ہے۔ انہیں اس کی وضاحت کرنی چاہئیے۔
انہوں نے کہا کہ کولکاتا بلدیہ کے ساتھ ساتھ ریاست کے سبھی بلدیات کے انتخابات کرانے کی بات کو ممتا بنرجی کی حکومت اکثر و بیشتر ٹال جاتی ہے۔
بی جے پی کے ریاستی صدر کا کہنا ہے کہ سپریم کورٹ نے ریاستی حکومت کو بلدیات کے انتخابات کرانے کے لئے ماحول سازگار بنانے کی ہدایت دے چکی ہے۔
بی جے پی کے رہنما نے کہا کہ سپریم کورٹ ممتا بنرجی کی قیادت والی ریاستی حکومت کی سرزنش کرتا رہتا ہے۔ اس کے باوجود اس حکومت کو کوئی بات سمجھ میں نہیں آتی ہے۔
مزید پڑھیں:
شھبندو ادھیکاری کا بھائی بھی بی جے پی میں شامل
بلدیاتی انتخابات میں کارکردگی کے سوال پر انہوں نے کہا کہ کولکاتا میونسپل کارپوریشن میں اس مرتبہ بی جے پی کا بورڈ بنے گا۔
