مغربی بنگال میں کورونا وائرس کے سبب عارضی طور پر بند کی گئی لوکل ٹرین خدمات کی دوبارہ بحالی اب تک ممکن نہیں ہو سکی ہے۔ اور لوگ اسپیشل ٹرین کے ذریعہ ہی سفر کرنے پر مجبور ہیں.
مشرقی ریلوے نے پہلے لوکل ٹرینوں میں رابند سنگیت بجانے کا اعلان کیا تھا جو ابھی بھی کامیابی کے ساتھ جاری ہے.
اسی درمیان ہاوڑہ ڈویژن کے اے ڈی ایم آر نے مسافروں تک سماجی پیغام پہنچانے کے لئے لوکل ٹرینوں میں ٹی وی نصب کرنے کا فیصلہ کیا ہے ۔اور بہت جلد لوگ ان منصوبوں سے لطف اندوز ہوں گے.
ہاوڑہ ڈویژن کے اے ڈی ایم آر مبیش جین نے کہا کہ ہوڑہ ڈویژن میں چلنے والی لوکل ٹرینوں میں ٹی وی نصب کرنے کا فیصلہ کیا گیا ہے اور اس کے لئے ٹیندر جاری کر دیا گیا ہے.
انہوں نے کہا کہ سب کچھ روٹین کے مطابق چلتا رہا تو دو سے تین مہینوں کے اندر ہی لوکل ٹرینوں میں ٹی وی لگانے کا شاندار تجربہ کیا جائے گا.
مشرقی ریلوے کے اعلیٰ افسر کا کہنا ہے کہ لوکل ٹرینوں میں رابندر سنگیت بجانے کا تجربہ کامیاب رہا ہے۔ اسی منصوبے کے تحت لوکل ٹرینوں کے کمرے میں ٹی وی نصب کرنے پر غور کیا جا رہا ہے.
ہاوڑہ ڈویژن کے اے ڈی ایم آر منیش جین کا کہنا ہے کہ مغربی بنگال میں مکمل طور لوکل ٹرین چلانے کے لئے ریاستی حکومت کی اجازت کی ضرورت پڑتی ہے.
مزید پڑھیں:مغربی بنگال میں 31 اگست تک لوکل ٹرین کی خدمات بدستور معطل
انہوں نے کہا کہ مشرقی ریلوے اس سلسلے میں مغربی بنگال حکومت سے رابطے میں ہے. وزیراعلی کی جانب سے اجازت ملنے کے بعد لوکل ٹرین کی خدمات دوبارہ بحال کر دی جائے گی.
