مغربی بنگال کے دارالحکومت کولکاتا میں آج ساڑھے تین بجے کے قریب موسلا دھار بارش شروع ہوئی۔ اس کے ساتھ ہی لگاتار بجلی بھی کرکتی رہی۔ اسی دوران موسلا دھار بارش ہوتی رہی اور کولکاتا کے میدانی علاقے میں وکٹوریہ میموریل کے قریب آسمانی بجلی گرنے سے ایک شخص کے ہلاک ہونے کی اطلاع ہے۔ ذرائع کے مطابق مرنے والے شخص کی شناخت شبیر پال (34) کے طور پر ہوئی ہے۔
اس حادثے میں 15 افراد کے زخمی ہونے کی بھی خبر ہے۔ ایس ایس کے ایم ہستپال میں ان کا علاج جاری ہے۔
ذرائع کے مطابق وکٹوریہ میموریل کے قریب درخت کے نیچے بارش سے بچنے کے لیے چند افراد کھڑے ہوئے تھے۔ اسی وقت وہاں زور دار آواز کے ساتھ بجلی گری جس کے نتیجے میں ایک شخص کی موقع پر ہی موت ہو گئی جب کہ باقی افراد شدید طور پر زخمی ہو گئے ۔
زخمیوں کو ایس ایس کے ایم اسپتال میں علاج کے لیے لایا گیا۔ محکمہ موسمیات کے مطابق آئندہ 48 گھنٹے تک کولکاتا، ہاؤڑہ، چوبیس پرگنہ اور مدنا پور میں موسلا دھار بارش ہونے کا امکان ہے۔ کولکاتا میں موسلا دھار بارش کے سبب کئی علاقوں میں پانی بھر گیا ہے۔
مغربی بنگال کے ضلع پرولیا میں موسلادھار بارش اور آسمانی بجلی گرنے سے تین افراد کے ہلاک ہونے کی اطلاع ہے۔
