مرشدآباد: مغربی بنگال کے مرشدآباد ضلع کے فراکا کے ظفر آباد میں ایک ماہی گیر کے جال میں آٹھ فٹ لمبا اور صحت مند گھڑیال پھنس گیا۔ گھڑیال کے جال پھنسنے کی خبر جنگل کی آگ کی طرح پورے گاؤں میں پھیل گئی۔ لوگوں کی ایک بڑی تعداد گھڑیال کو دیکھنے کے لئے ندی کے کنارے پہنچ گئی۔ ماہی گیروں کی مدد سے اس گھڑیال کو پکڑ کر محکمہ جنگلات کے حوالے کیا گیا۔ Gharial Recovered At Farraka In Murshidabad
اطلاع ملتے ہی انتظامیہ کے اہلکار پربھاس کمار منڈل موقع پر پہنچ گئے۔ انہوں نے حالات کا جائزہ لیا اور اس کی اطلاع محکمہ جنگلات کو دی۔ محکمہ جنگلات کی ٹیم نے گھڑیال کو اپنے قبضے میں لے کر ریسکیو سینٹر لے گئی۔ مقامی ماہی گیر کمل منڈل اور رنجیت منڈل نے بتایا کہ دوپہر میں گنگا میں اپنا جال پھینکا۔ جال اٹھاتے وقت ایک گھڑیال جال میں پھنس گیا۔ اس کے بعد گھڑیال کو ڈنگہ لایا گیا اور محکمہ جنگلات کو اطلاع دی گئی۔ Gharial Recovered At Farraka In Murshidabad
