خصوصی طور پر 2019 کے لوک سبھا انتخابات کے بعد سے اس رجحان میں بہت تیزی آئی ہے۔
ترنمول کانگریس کے رکن اسمبلی اور کولکاتا کے سابق میئر سوبھن چٹرجی نے بھی آج بی جے پی کا پرچم تھام لیا۔ ان کے ساتھ ان کی دوست بیشاکھی بنرجی نے بھی بی جے پی میں شمولیت اختیار کر لی۔
آج شام بی جے پی کے صدر دفتر دہلی میں مکل رائے کی موجودگی میں شوبھن چٹرجی نے بی جے پی میں شمولیت اخیتار کی۔
واضح رہے کہ 2019 کے عام انتخابات سے قبل ہی ان کے بی جے پی میں شامل ہونے کی قیاس آرائی جاری تھی۔
بی جے پی کے رہنما ارون سنگھ نے شوبھن چٹرجی کا خیر مقدم کیا۔
