موصولہ اطلاع کے مطابق دارجلنگ کے پہاڑی علاقے میں مسلسل بارش کا سلسلہ جاری ہے۔ بارش کے سبب مٹی کے بڑے تودے گرنے سے نصف درجن گاڑیاں برباد ہوگئیں۔
مٹی کے تودے گرنے سے دارجنگ کے 55 نمبر قومی شاہراہ پر گاڑی کی آمدرفت ٹھپ پڑ گئی۔ قومی شاہراہ پر سے مٹی کے تودے ہٹانے کا کام جاری ہے۔
ضلع انتظامیہ کاکہنا ہے کہ گزشتہ 48 گھنٹوں سے جاری مسلسل بارش کے سبب دارجلنگ اورا س کے اطراف میں بھاری نقصان ہونے کی اطلاع ہے ۔ مٹی کے تودے گرنے سے ایک مکان، ایک ٹیکسی اور ایک میٹاڈور سمیت کئی گاڑیاں برباد ہوئیں ہیں۔
انہوں نے کہاکہ قومی شاہراہ پر سے مٹی کے تودے اور چٹانیں ہٹانے کا کام جاری ہے۔ قومی شاہراہ گاڑیوں کی آمدرفت دوبارہ بحال کرنے میں وقت لگ سکتا ہے۔
واضح رہے کہ گزشتہ روز سے جاری بارش کے سبب دارجلنگ میں اب تک دو افراد کی موت ہو چکی ہے جبکہ متعدد افراد زخمی ہو ئے ہیں۔
