بنگال کے مالدہ ضلع کے شاہ پور میں بی جے پی کے قومی صدر جے پی نڈا ایک انتخابی ریلی سے خطاب کیا۔ انہوں نے کہا کہ مغربی بنگال کے عوام کو بنیادی ترقی سے محروم رکھا گیا ہے۔
بی جے پی کے صدر نے کہا کہ میں ممتا دیدی سے سوال کرنا چاہتا ہوں کہ بنگال کے لوگوں نے ایسا کیا گناہ کیا ہے کہ جس کے نتیجے میں انہیں بنیاد ترقی سے دور رکھا گیا ہے۔
بی جے پی کے قومی صدر کا کہنا ہے کہ ترنمول کانگریس کی سربراہ اور ممتا بنرجی کو اس سوال کا جواب مجھے نہیں بلکہ بنگال کے عوام کو دینا پڑے گا۔
جے پی نڈا کا کہنا ہے کہ مغربی بنگال کے عوام وزیراعلیٰ ممتا بنرجی سے جواب لے کر ہی دم لیں گے اور اس کا اثر اسمبلی انتخابات میں بھی پڑنے والا ہے۔
انہوں نے کہا کہ آج سے پرورتن ریلی کا انعقاد کیا جائے گا۔ یہ پرورتن ریلی دراصل ممتا بنرجی کی حکومت کو اکھاڑ کر بی جے پی کو اقتدار میں لانے کے لئے ہے۔
بی جے پی کے قومی صدر کے مطابق وزیراعظم نریندر مودی کے پاس بنگال کو سونار بنگلہ بنانے کے درجنوں منصوبے ہیں اور ان کی بدولت ہی ریاست کے غریب عوام ترقی واپس مل سکتی ہے۔
بی جے پی کے قومی صدر جے پی نڈا مالدہ پہنچنے کے بعد ہارٹی ایگریکلچر انسٹی ٹیوٹ کا دورہ کیا اور وہاں کے ملازمین کے ساتھ تبادلہ خیال کیا۔
جس کے بعد بی جے پی کے قومی صدر جے پی نڈا نے شاہ پور میں تین ہزار کسانوں کے ساتھ دوپہر کا کھانا کھایا۔
یہ بھی پڑھیں: جے پی نڈا مغربی بنگال میں رتھ یاترا کا افتتاح کریں گے
