کولکاتا: مغربی بنگال کے تمام اضلاع میں میں عید الفطر کی تیاریاں آخری مرحلے میں جاری ہے۔ بازاروں میں خریداروں کی صبح سے بھیڑ امڈی ہوئی ہے۔ شمالی 24 پرگنہ کے مدھم گرام میں واقع سی آر پی ایف یونٹ میں بھی جشن عید کی تقریب منعقد کرنے کی تیاری جاری ہے CRPF Head Constable Sikandar Ali on Eid Celebration۔
سی آر پی ایف کے ہیڈ کانسٹیبل اور ثقافتی پروگرامز کے منتظم سکندر علی نے کہا کہ وہ گھر کی طرح سرحد پر بھی پرجوش انداز میں عید کا جشن مناتے ہیں۔ انہوں نے کہا کہ برسوں بعد اپنے سی آر پی ایف یونٹ سے چھٹی لے کر گھر پہنچا ہوں۔ شمالی 24 پرگنہ کے بھارت بنگلہ دیش سرحد کے قریب مدھم گرام میں واقع سی آر پی ایف یونٹ ہونے کی وجہ سے اس مرتبہ چھٹی منظور ہوگئی ورنہ گزشتہ چند برسوں کی طرح اس مرتبہ بھی گھر کے باہر اپنے ساتھیوں کے ساتھ عید کا جشن مناتے۔
ان کا کہنا ہے کہ ایک بات اہم یہ ہے کہ ہمارے یونٹ میں ہندو، مسلم، سکھ اور عیسائی سبھی ہیں۔ ہم سب عید کا جشن مناتے ہیں۔ عید کے جشن کو لے کر سبھی پر جوش ہوتے ہیں۔ تمام جوان اس انداز میں عید مناتے ہیں جسے دیکھ کر ایسا لگتا ہے کہ یہ صرف میرا نہیں، ہم سبھی کا تہوار ہے۔ ہیڈ کانسٹیبل سکندر علی کے مطابق سویلین کو بھی ہم جوانوں سے تہوار مل جل کر منانے کا انداز سیکھنے کی ضرورت ہے۔
مزید پڑھیں:
- All India Muslim Personal Law Board: ہر حال میں امن و امان اور بھائی چارہ کو قائم رکھنا مسلمانوں کا فریضہ ہے
- Exclusive Interview with Footballer Muhammad Farid: بھارت کے سابق بین الاقوامی فٹبالر محمد فرید سے خصوصی گفتگو
انہوں نے کہا کہ ہم سب عام ملک کی سرحد کی حفاظت کے لئے عید کی خوشیاں قربان کرتے ہیں تاکہ عام شہری اپنی فیملی کے ساتھ سکون سے تہوار منا سکیں۔ انہوں نے مزید کہا کہ سر علامہ اقبال نے ملک کے لئے جو باتیں کہی ہیں وہ ہم سب کے لیے رہنما ہدایت ہے۔ سارے جہاں سے اچھا ہندوستاں ہمارا، ہم بلبلیں ہیں اس کی یہ گلستاں ہمارا۔
