'ایندھن کی قیمتوں میں اضافہ سے گھر کا بجٹ بگڑ گیا '

مغربی بنگال میں عام عوام پٹرول اور ڈیزل کی بڑھتی قیمتوں پر مرکزی حکومت کی جم کر مخالفت کی ۔عام لوگوں کا کہنا ہے کہ ایک طرف جہاں کورونا وائرس کے سبب لاک ڈاؤن کی مار کا لمبے عرصے سے سامنا کرنا پڑ رہا تھا اور اب پٹرول اور ڈیزل کی قیمتوں نے کمر توڑ کر رکھ دی ہے۔

ریاست مغربی بنگال میں عام لوگوں نے ایندھن کی قیمتوں میں اضافہ کے خلاف بی جے پی کی قیادت والی مرکزی حکومت پر جم کر تنقید کی اور کہا کہ اس سے گھر کا بجٹ بگڑ گیا ہے۔ حکمراں جماعت ترنمول کانگریس کی جانب سے پٹرول اور ڈیزل کی قیمتوں میں مسلسل اضافہ کے خلاف ریاستی سطح پر دو روزہ احتجاجی مظاہرے کا آغاز کیا گیا۔

عام لوگوں کا کہنا ہے کہ ایک طرف جہاں کورونا وائرس کے سبب لاک ڈاؤن کی مار کا لمبے عرصے سے سامنا کرنا پڑ رہا تھا اور اب پٹرول اور ڈیزل کی قیمتوں نے کمر توڑ کر رکھ دی ہے۔لوگوں کا کہناہے کہ صورتحال ایسی ہے کہ اب تو کام کاج کا کوئی ذریعہ ہی نہیں ہے اور اوپر سے پٹرول اور ڈیزل کی قیمتوں میں مسلسل اضافہ کی وجہ سے ان کی پریشانیاں بڑھ گئی ہے۔

ایک شخص نے کہا کہ بی جے پی کی قیادت والی مرکزی حکومت سے ایک ہی اپیل ہے کہ وہ سب کام کاج چھوڑ کر پٹرول اور ڈیزل کی قیمتیں کم کرنے پر توجہ دے۔ایندھن کی قیمتوں میں کمی کے بعد ہی مہنگائی کم ہو سکتی ہے۔ مرکزی حکومت کو عوام کی پریشانیوں سے کوئی مطلب نہیں ہے، اسی وجہ سے عوام کو مشکل حالات میں چھوڑ دیا گیا ہے۔

واضح رہے کہ مغربی بنگال میں پٹرول اور ڈیزل کی قیمتوں میں اضافہ کے خلاف حکمراں جماعت ترنمول کانگریس کے حامیوں نے بی جے پی کی قیادت والی مرکزی حکومت کے خلاف دو روزہ اختجاجی مظاہرہ میں شرکت کر رہے ہیں۔ اس دوران دستخطی مہم بھی چلائی جا رہی ہے۔