مغربی بنگال کے درگاپور میں سی ایم ای آر آئی کے سائنسدانوں نے کووڈ-19 پروٹیکشن سسٹم (سی او پی ایس) دریافت کیا ہے۔ یہ فینسی ٹچ لیس اے ٹی ایم ماسک یونٹ اور تھرمل اسکینر کورونا انفیکشن سے بچنے کے لئے اداروں اور تنظیموں کے لئے بے حد مفید ہوگا۔
ملک بھر میں آہستہ آہستہ مختلف اداروں کو مرحلہ وار کھولا جا رہا ہے۔ ان اداروں کے پاس سیکیورٹی اہلکار موجود ہیں جو یہاں کے ملازمین اور آنے جانے والے لوگوں کے ہاتھوں کو صاف کرانے اور انہیں تھرمل اسکریننگ کرانے کی طرف توجہ دلاتے ہیں تاکہ بغیر ماسک کے دفاتر میں ملازمین و دیگر افراد داخل نہ ہوں۔
مزید پڑھیں: مغربی بنگال: بجلی گرنے سے دو افراد ہلاک، پانچ زخمی
ان وجوہات کی بناء پر ان سیکیورٹی اہلکاروں کو کورونا سے متاثر ہونے کے امکانات بھی بڑھ رہے ہیں۔ چنانچہ درگاپور میں سنٹرل انسٹی ٹیوٹ آف مکینیکل انجینئرنگ اینڈ ریسرچ (سی ایم ای آر آئی) کے سائنسدانوں نے خودکار ماسک اے ٹی ایم اور تھرمل سکینر یونٹ تیار کیا ہے تاکہ یہاں کے ملازمین و دیگر افراد کی اسکریننگ یہاں نصب مشین کے ذریعہ ہو جائے۔
