کولکاتا: مغربی بنگال کی وزیراعلیٰ ممتا بنرجی نے یکساں سول کوڈ کے بارے میں کھل کر بات کی۔ انہوں نے الزام لگایا کہ مرکز کی مودی حکومت یکساں سول کوڈ متعارف کرانے کی کوشش کر رہی ہے۔ اس بل کو قانون میں تبدیل کرنے کا بھی منصوبہ ہے۔ منصوبہ کیا ہے۔ مغربی بنگال قانون ساز اسمبلی میں مالی سال 2023-24 کا بجٹ پیش کیا گیا (بنگال کا بجٹ 24-2023)۔ وزیر خزانہ چندریما بھٹاچاریہ نے بجٹ پیش کیا۔ وزیر اعلیٰ ممتا بنرجی بھی اسمبلی میں موجود تھیں۔ وزیراعلی ممتا بنرجی نے نامہ نگاروں کے سوال میں کہا کہ بھارت میں یکساں سول کوڈ کسی بھی قیمت پر نافذ نہیں کیا جا سکتا ہے کیونکہ اس کے لئے حالات سازگار نہیں ہے۔ ہمارے ملک میں ایک نہیں دو نہیں لاتعداد مذاہبِ کے ماننے والے رہتے ہیں انہیں ایک زمرے میں نہیں لایا جا سکتا ہے ۔
ممتا بنرجی نے دعویٰ کیاکہ کل انہوں نے (بی جے پی) اپنے ارکان کے سامنے یکساں سول کوڈ بل پیش کیا۔بی جے پی کی قیادت والی مرکزی حکومت اس بل کو لانے کے لئے بضد ہے۔ میں تمام مذاہب، اور ذاتوں کی حمایت کرتی ہوں۔اس کے نتیجے میں یہ واضح ہے کہ ترنمول کانگریس ایسے کسی بل کے حق میں نہیں ہوگی، پارٹی کی چیئرپرسن نے آج وضاحت کی۔
یہاں یہ بتانا ضروری ہے کہ کوئی بھی رکن پارلیمنٹ ذاتی طور پر مختلف مسائل پر پارلیمنٹ میں بل لا سکتا ہے۔ جسے پرائیویٹ ممبر بل کہتے ہیں۔ عام طور پر اس بل کو پیش کرنے سے پہلے ہی مسترد کر دیا جاتا ہے۔ نتیجتاً کوئی بھی اس معاملے کو اہمیت نہیں دیتا لیکن گزشتہ دسمبر میں سرمائی اجلاس میں بی جے پی کے ایک رکن پارلیمنٹ یکساں سول کوڈ کو پرائیویٹ ممبر بل کے طور پر پیش کرنا چاہتے تھے۔ اس وقت اپوزیشن کی طرف سے مخالفت ہوئی تھی لیکن ٹریژری بنچ نے کہا کہ اسے اس معاملے پر بحث کرنے پر کوئی اعتراض نہیں ہے۔
یہ بھی پڑھیں:West Bengal Budget : مغربی بنگال اسمبلی میں بجٹ پیش، خواتین کو ہرمہینے ایک ہزار روپے ملیں گے
وزیراعلی نے کہا کہ پہلے ایک رکن پارلیمان پرائیویٹ ممبر بل لائے گا اور حکومت اس کی حمایت کرتے ہوئے اس پر بحث کرانے کی کوشش کرے گی۔
