کاندی: ملک کی دوسری ریاستوں کی طرح مغربی بنگال میں بھی شاہ رخ خان کی نئی فلم پٹھان کی دھوم مچی ہوئی ہے۔ ریاست کے تمام اضلاع کے سنیما ہالز میں پھٹان فلم کی نمائش جاری ہے۔ سرسوتی پوجا اور یوم جمہوریہ کے موقع پر چھٹی ہونے کی وجہ سے لوگوں کی بڑی تعداد نے تھیٹروں کا رخ کیا۔ دارالحکومت کولکاتا اور اضلاع کے سینما ہالز میں پٹھان فلم ہاوس فل ہے۔ اسی درمیان مغربی بنگال کے مرشدآباد ضلع کے کاندی سب ڈویژن میں واقع سینما ہال میں فلم پٹھان کی نمائش کے دوران سینما ہال کی چھت اچانج منہدم ہونے کے سبب پا نچ افراد زخمی ہو گئے۔زخمیوں کو کنڈی سب ڈویژنل ہسپتال میں طبی امداد دی جا رہی ہے۔
چھایا پاتھا ہال میں شاہ رخ خان کی فلم پٹھان چل رہی تھی۔فلم کے دوران ہال کی چھت کا ایک حصہ کے دباؤ کی وجہ سے گر گیا۔اس سے افراتفری مچ گئی۔دمکل کے اہلکاروں اور مقامی تھانے کی پولیس نے جائے وقوع پر پہنچ کر حالات کو قابو میں کیا۔ پولیس نے پورے معاملے کی تفتیش شروع کردی۔ کاندی کے رکن اسمبلی اپوربا سرکار نے کہا کہ یہ بدقسمتی کی بات ہے کہ ایسا واقعہ پیش آیا کیونکہ یہ ایک پرانی عمارت ہے۔ سنیما ہال پر میونسپلٹی نے قبضہ کرلیا۔ کاندی تھانے کی پولیس نے چھت گرنے کی اصل وجہ جاننے کے لئے تفتیش شروع کر دی ہے۔
یہ بھی پڑھیں:Pathaan is House Full فلم پٹھان ریلیز کے پہلے ہی دن ایک ہفتہ کے لیے ہاؤس فل ہوگئی
کاندی میونسپلٹی نے سینما ہال کے مالک کے خلاف وجہ بتاو نوٹس جاری کیا ہے۔انتظامیہ نے معاملے کی تفتیش کرنے کی ہدایت دی ہے۔
