سی بی آئی نے نئی معلومات حاصل ہونے کے بعد ہی یہ قدم اٹھایا ہے۔دیب جانی سے جیل کے سیل میں ہی پوچھ تاچھ کی گئی ہے۔ دیب جانی شاردا گروپ کے چیرمین سدیپتو سین کے بعد سب سے بااختیار تھیں۔
سی بی آئی کے ذرائع کے مطابق سابق کلکتہ پولس کمشنر راجیو کمار، جانچ آفیسر ارنب گھوش اور دیگر پولس افسران سے پوچھ تاچھ کے دوران حاصل معلومات کے بعد سی بی آئی نے کیس درج کرنے کے ساتھ ہی دیب جانی سے پوچھ تاچھ کی ہے۔
باراسات کورٹ میں سی بی آئی نے دیب جانی سے پوچھ تاچھ کرنے کی اجازت طلب کی تھی۔طویل سماعت کے بعد عدالت نے سی بی آئی کو جیل میں جاکر پوچھ تاچھ کرنے کی اجازت دیدیی۔
سی بی آئی کے ذرائع کے مطابق اگر ضرورت محسوس ہوئی تو سدیپتو سین اور دیگر افراد سے بھی پوچھ تاچھ کرسکتی ہے۔
