مغربی بنگال: جانوروں کے تاجرین کو بھاری نقصان کا خدشہ

مغربی بنگال میں کورونا کی امکانی تیسری لہر کے درمیان عیدالاضحیٰ کے موقع پر قربانی کے جانوروں کی فروخت پر کافی اثر پڑا ہے جس سے تاجرین کو زبردست نقصان ہوسکتا ہے۔

مغربی بنگال میں کورونا کی دوسری لہر سست پڑنے کے بعد حکومت کی جانب سے نافذ گائیڈ لائن پر سختی سے عمل کرتے ہوئے عیدالاضحیٰ منائی جائے گی۔ ریاست میں کورونا وبا اور لاک ڈاون کا اثر جانوروں کی خرید و فروخت پر پڑا ہے۔ قربانی کے جانوروں کی خریدی میں کمی دیکھی جارہی ہے۔

دارالحکومت کولکاتا اور اس کے اطراف کے اضلاع شمالی 24 پرگنہ، جنوبی 24 پرگنہ، ہوڑہ اور ہگلی سمیت تمام اضلاع میں ہر سال کی طرح اس برس بھی مویشی منڈیاں لگائی گئیں۔ مویشی تاجرین کے مطابق گذشتہ کی طرح اس سال منافع بخش کاروبار نہیں ہے۔ تاجرین نے بتایا کہ اس سال بہت کم تعداد میں جانور فروخت ہوئے ہیں۔

بازاروں میں خریداروں کی کمی کے سبب تاجرین پریشان ہیں۔ تاجرین نے بتایا کہ کولکاتا کے علاوہ ساری ریاست میں بازاروں کی یہی حالت ہے۔ لوگ خریداری کرنے نہیں آرہے ہیں۔