کولکاتا:مغربی بنگال بی جے پی نے 29 نومبر کودھرم تلہ کے وکٹوریہ ہائوس کے سامنے پروگرام کرنے کی اجازت طلب کی تھی۔اس جلسے میں امیت شاہ شرکت کرنے والے تھے۔تاہم کلکتہ پولس نے جلسے کی اجازت دینے سے دو دو مرتبہ انکار کردیا ہے۔کلکتہ پولس کی دلیل ہے کہ یہ جگہ ریلی کیلئے نہیں ہے۔بی جے پی نے پولیس کے فیصلے کو چیلنج کرتے ہوئے ہائی کورٹ سے رجوع کیا۔یک رکنی بنچ نے کلکتہ پولس کو ریلی کی اجازت دینے کی ہدایت دی تھی۔ ریاستی حکومت نے سنگل بنچ کے خلاف چیف جسٹس کے ڈویژن بنچ کے پاس گئی ۔جمعرات کو ریاستی وکیل کشور دتہ نے کہاکہ ’’بی جے پی 29 نومبر کو وکٹوریہ ہاؤس کے سامنے میٹنگ کرنا چاہتی ہے۔ وہ جگہ کسی پروگرام کے لیے نہیں ہے۔ صرف ایک پروگرام ہوتا ہے۔ گزشتہ 30 سالوں سے یہی حال ہے۔
21 جولائی 1993 کو کلکتہ پولیس پر مغربی بنگال یوتھ کانگریس کی اس وقت کی صدر ممتا بنرجی کی قیادت میں نکالے گئے جلوس پر فائرنگ کرنے کا الزام تھا۔ اس فائرنگ میں 13 افراد مارے گئے۔ اس کے بعد، 1998 میں ممتا کی قیادت میں ترنمول کی تشکیل کے بعد سے، ترنمول کانگریس ہر سال 21 جولائی کو 13 شہیدوں کی یاد مناتی ہے۔ لیکن عدالت میں ریاست کے وکیل کی یہ دلیل سننے کے بعد بی جے پی یہ جاننا چاہتی ہے کہ اگر ریاست کی حکمراں پارٹی جلسہ گاہ نہ ہونے کے باوجود وہاں سیاسی پروگرام کر سکتی ہے تو بی جے پی کیوں نہیں کر سکتی؟
بی جے پی کے وکیل بل بدل بھٹاچاریہ نے سوال کیاکہ حکمران پارٹی اپنا سیاسی پروگرام کرتی ہے۔ بی جے پی بھی ایسا ہی کرنا چاہتی ہے۔ تو مسئلہ کیا ہے؟۔
یہ بھی پڑھیں:گورنر کے پاس 22 بل زیر التوا ہیں: اسپیکر
ریاست کے دلائل اور بی جے پی کے جوابی دعوے کو سننے کے بعد، جسٹس ٹی ایس شیوگنم اور جسٹس ہیرنموئے بھٹاچاریہ کی ڈویژن بنچ نے کہا کہ جمعرات کو کیس کی سماعت نہیں ہو رہی ہے۔ تاہم کیس کی سماعت جمعہ کو چیف جسٹس کی بنچ میں ہوگی۔ کیس کی اگلی سماعت بی جے پی کے پروگرام سے ایک دن پہلے 28 نومبر کو ہونے والی تھی۔ سنگل بنچ پہلے ہی بدھ کو اس پر سوال اٹھا چکی ہے۔ جمعرات کو ریاست اور بی جے پی دونوں کے دلائل سننے کے بعد چیف جسٹس نے کیس کی سماعت کی۔ اس کے نتیجے میں بی جے پی کی میٹنگ سے چار دن پہلے ہائی کورٹ اس معاملے میں کوئی فیصلہ کرے گی۔
یواین آئی
