کولکاتا: کلکتہ ہائی کورٹ کے جج بیبیک چودھری نے سماعت کے دوران کہا کہ منصفانہ معاوضے کے حق اور حصول اراضی، بحالی اور آباد کاری ایکٹ، 2013 میں شفافیت کے سیکشن 38 کے تحت مکمل معاوضہ کی رقم کی ادائیگی سے قبل حاصل کی جانے والی زمین کو قبضے میں لینا ممنوع ہے۔جج نے قبضے کے معاملے پر 15 دسمبر تک موجود صورتحال برقرار رکھنے کا بھی حکم دیا۔
کلکتہ ہائی کورٹ نے کہا کہ مرکزی حکومت کے 2013 ایکٹ کے تحت زمین کے مالکان کو زمین قبضے میں لینے سے پہلے تمام واجبات ادا کیے جائیں اور حکومت کی طرف سے دیگر تمام سہولیات دی جائیں۔شمالی 24 پرگنہ اور مرشد آباد اضلاع سے تعلق رکھنے والے کچھ زمینداروں نے کلکتہ ہائی کورٹ میں ایک رِٹ دائر کر کے انصاف کا مطالبہ کیا اور الزام لگایا کہ انہیں موجودہ قوانین کے تحت معاوضہ نہیں دیا گیا ہے۔
