کلکتہ ہائی کورٹ نے اسکول سروس کمیشن کی سرزنش کی

کلکتہ ہائی کورٹ میں مغربی بنگال میں اساتذہ کی تقرری کے حوالے سے جاری سماعت کے دوران عدالت نے اسکول سروس کمیشن کے کردار پر سوال اٹھاتے ہوئے کمیشن کی سخت لہجے میں سرزنش کی۔ عدالت نے تقرری میں ہوئی غیر شفافیت اور غیر ذمہ دارانہ رویے پر کہا کہ اسکول سروس کمیشن کو ہی ختم کر دینا چاہیے ۔

مغربی بنگال کے اپر پرائمری ٹیچروں کی تقرری کے سلسلے میں کلکتہ ہائی کورٹ میں جاری شنوائی کے دوران عدالت نے اسکول سروس کمیشن کے رول پر سخت ناراضگی کا اظہار کیا ہے۔ جسٹس ابھیجیت گانگولی نے سنہ 2019 میں یکم اکتوبر کو نئے طور پر انٹرویو کے لئے میرٹ لسٹ اور نتائج کا اعلان جاری کرنے کی ہدایت دی تھی۔

جسٹس ابھیجیت گانگولی کا کہنا ہے ان کی اس ہدایت کی خلاف ورزی کی گئی ہے۔ کلکتہ ہائی کورٹ میں اسکول سروس کمیشن پر اور بھی کئی معاملے میں شنوائی جاری ہے۔ اسکول سروس کمیشن کے چئیر پرسن کو حاضر ہونے کی ہدایت دی گئی ہے۔
مزید پڑھیں:

ذرائع کے مطابق اسکول سروس کمیشن کے رول حوالے سے عدالت کی طرف سے مزید سخت رد عمل سامنے آسکتی ہے۔ عدالت کی ہدایت کی خلاف ورزی کیوں کی گئی، اس معاملے پر اسکول سروس کمیشن کے چئیر پرسن کو مشکلات کا سامنا کرنا پڑ سکتا ہے ۔جسٹس ابھیشیک گانگولی کے سوالوں کا اسکول سروس کمیشن کے چئیر پرسن کو سامنا کرنا پڑ سکتا ہے۔