کلکتہ ہائی کورٹ کے جج سماپتی چٹو پادھیائے نے جو بن گاؤں میونسپلٹی اور دیگر بلدیاتی ادارے کے معاملات کی سماعت کررہی ہیں، آج صحافیوں کو کمرہ عدالت میں داخل ہونے سے اگلی ہدایت تک روک دیا ہے۔
بن گاؤ ں میونسپلٹی معاملے کی سماعت کرتے ہوئے جسٹس چٹوپادھیائے نے نامہ نگاروں کو براہ راست ہدایت دی کہ انہیں کیس کی سماعت کے دوران کمرہ عدالت میں آنے کی اجازت نہیں ہوگی۔
بی جے پی کے 11کونسلروں نے عدم اعتماد کی تحریک میں حصہ لینے کی اجازت دینے کیلئے عدالت میں اپیل کی تھی۔
اس سے قبل جسٹس چٹوپادھیائے کی عدالت کا سرکاری وکیلوں نے بائیکاٹ کیا تھا۔حکومت کے وکلاء جسٹس کے بنگال حکومت سے متعلق تبصرے سے ناراض تھے۔
