کولکاتا:مغربی بنگال کے دارالحکومت کولکاتا میں واقع کلکتہ ہائی کورٹ کی جسٹس امریتا سنہا نے سی بی آئی کو جیل کے سی سی ٹی وی فوٹیج کی کاپی فراہم کرنے کا حکم دیا۔ اتنا ہی نہیں، رہنما خطوط میں بتایا گیا ہے کہ کلکتہ ہائی کورٹ کی تکنیکی ٹیم کے ارکان سی سی ٹی وی فوٹیج کی کاپی کرتے ہوئے جائے وقوعہ پر موجود رہیں گے۔ پھر وہ فوٹیج کلکتہ ہائی کورٹ کے رجسٹرار کے پاس جمع کرائی جائے۔ عدالت نے تمام کارروائی مکمل کرنے کے لیے چار دن کا وقت دیا ہے۔ کیس کی اگلی سماعت 23 جون کو ہوگی۔
اس کیس کے ایک ملزم کنتل گھوش نے الزام لگایا کہ ان پر ٹیچر بھرتی بدعنوانی کے معاملے میں ایک بااثر شخص کا نام لینے کے لیے دباؤ ڈالا جا رہا ہے۔ انہوں نے سب سے پہلے میڈیا کے سامنے ایسے الزامات لگائے پھر اس نے اس سلسلے میں براہ راست پولیس اسٹیشن میں تحریری شکایت درج کرائی
اس کے بعد ای ڈی نے کنتل گھوش کے شکایتی خط کے بیان کے بارے میں پوچھ گچھ کے لیے عدالت سے رجوع کیا۔ اس وقت یہ معاملہ جسٹس ابھیجیت گنگوپادھیائے کی بنچ میں تھا۔
یہ بھی پڑھیں:Governor CV Anand Bose گورنر ہائوس پر عوام کا اعتماد بڑھ رہا ہے: گورنر سی وی آنند بوس
وہ کنٹل کے خط کی روایت اور شہید مینار پر ابھیشیک بنرجی کی تقریر کے درمیان مماثلت کو نوٹ کرتے ہیں۔ انہوں نے کہا کہ تحقیقات کی خاطر ای ڈی-سی بی آئی ابھیشیک کو بلا کر پوچھ گچھ کر نے کی ہدایت دی تھی ۔تاہم بعد میں سپریم کورٹ کے حکم پر کیس کو جسٹس امریتا سنہا کی بنچ میں منتقل کر دیا گیا۔
