ریاست مغربی بنگال میں بی ایس ایف کی ساؤتھ بنگال فرنٹیئر کے جوانوں نے 9 بنگلہ دیشی شہریوں کو غیر قانونی طور پر سرحد عبور کرتے ہوئے گرفتار کیا گیا ہے۔ پوچھ گچھ کے بعد انہیں بنگلہ دیش کے بارڈر گارڈ کے حوالے کردیا گیا ہے۔
بی ایس ایف کے ترجمان کے مطابق 'بی ایس ایف کی انٹلیجنس برانچ کو خفیہ اطلاع ملی تھی کہ یہ افراد غیر قانونی طور پر مغربی بنگال کے ضلع نادیہ سے بنگلہ دیش جانے کی کوشش کر رہے ہیں۔ جس کے بعد انٹلیجنس برانچ نے 'کماری پوسٹ' پر ڈیوٹی دے رہے بٹالین 8 کے جوانوں کو آگاہ کیا۔
اطلاع پر کارروائی کرتے ہوئے کماری پوسٹ پر تعینات جوانوں نے سرحد عبور کرتے ہوئے سب کو گرفتار کر لیا۔
یہ بھی پڑھیں: ہائی کورٹ بار ایسوسی ایشن (کشمیر) کا لاوے پورہ تصادم کی تحقیقات کا مطالبہ
واضح رہے کہ بی ایس ایف نے پوچھ گچھ کے بعد گرفتار بنگلہ دیشی شہریوں کو بنگلہ دیش بارڈر گارڈ کے حوالے کردیا۔
