'میڈیا نے آدھی اطلاع پر ہنگامہ کھڑا کر دیا'

بی جے پی کے رکن اسمبلی سنیل سنگھ نے کہا کہ وہ بی جے پی کے ایک اہم رکن ہیں کیونکہ انہیں عوام کی بھر پور حمایت حاصل ہے۔

شمالی 24 پرگنہ کے بیرکپور کے نوا پاڑہ کے رکن اسمبلی سنیل سنگھ نے کہا کہ میڈیا نے آدھی ادھوری جانکاری پر ہنگامہ کھڑا کر دیا۔

انہوں نے کہا کہ میں بی جے پی کو چھوڑ کر، ترنمول کانگریس تو کیا کسی بھی دوسری سیاسی جماعت کا حصہ بن نہیں سکتا ہوں۔

رکن اسمبلی کا کہنا ہے کہ ڈیرھ سال پہلے بی جے پی میں شامل ہوا تھا۔ اس وقت بی جے پی میں اتنے لوگ نہیں آئے تھے۔

انہوں نے کہا کہ اس وقت حکمراں جماعت ترنمول کانگریس کو چھوڑ کر بی جے پی میں شامل ہونا سیاسی کیریئر کو خطرے میں ڈالنا جیسا تھا۔ اس وقت خطرہ اٹھانے سے ڈرا نہیں تو اب کیا؟

بی جے پی کے رہنما کا کہنا ہے کہ کسی کا نام لے کر اس کے بارے میں کچھ کہنا غلط ہے۔ اس بنیاد پر کوئی کچھ بھی اندازہ لگا سکتا ہے۔

واضح رہے کہ گزشتہ روز آٹھ فروری کو مغربی بنگال اسمبلی اجلاس کے آخری دن اسمبلی ہال میں بی جے پی کے رکن اسمبلی سنیل سنگھ اور بنگاوں کے رکن اسمبلی بسواجیت داس کی وزیراعلیٰ ممتا بنرجی سے ملاقات ہوئی تھی۔ اس ملاقات کے بعد سنیل سنگھ اور بسواجیت داس کے بی جے پی کو چھوڑ کر ترنمول کانگریس میں شامل ہونے کی قیاس آرائی ہونے لگی تھی۔