مغربی بنگال کی وزیراعلیٰ اور ترنمول کانگریس کی سربراہ ممتا بنرجی تنقید کر تے ہوئے بی جے پی کے رہنما مکل رائے نے کہاکہ جموں وکشمیر سے آرٹیکل 370 ہٹانے کا فیصلہ درست ہے۔
انہوں نے کہا کہ ملک کی سالمیت کے لیے کسی اس بل کی مخالفت نہیں کرنی چاہیے۔ لوگوں کو سمجھنے کی ضرورت ہے کہ برسوں سے جاری ایک سلسلے کو ختم کردیا گیا۔
بی جے پی کے رہنما کا کہنا ہے کہ مغر بی بنگال کی وزیراعلیٰ ممتابنرجی نے جموں و کشمیر سے آٹیکل 370 کو ہٹائے جانے کو غلط قراردیا ہے۔ ان سے سوال کیاجائے کہ ان کی نظر میں کیا صحیح ہے۔
مکل رائے نے کہاکہ جموں و کشمیر سے آ رٹیکل 370 کو ہٹانے کے بارے میں مغر بی بنگال کی وزیراعلیٰ ممتابنرجی کو اپناموقف واضح کرنا چا ہیے۔ انہوں نے کس بنیاد پر بل کو غلط قراردیا ہے۔
انہوں نے کہاکہ بل کی مخالفت کرنے والے لوگ غدار ہیں۔ ایک غدار ہی ملک کی سالمیت پر سیاسی مفاد کو ترجیح دے سکتا ہے۔انہیں ملک کا غدار کہا جائے تو یہ کسی بھی قیمت پر غلط نہیں ہو سکتا ہے۔
واضح رہے کہ مغربی بنگال کی وزیراعلیٰ ممتابنرجی نے جموں و کشمیر سے آرٹیکل 370 کو قراردیتے ہوئے اس پر فوبارہ غور کرنے کی بات کہی تھی۔ ریاستی وزیر اعلیٰ کے اس بیان پر بی جے پی نے تنقید کی ہے۔
