مغربی بنگال کے بیر بھوم میں ٹی ایم سی لیڈر بھدو شیخ کے قتل کے بعد رامپور ہاٹ کے باگوٹی گاؤں میں نامعلوم شرپسندوں نے تقریباً ایک درجن مکانات کو آگ کے حوالے کردیا جس میں 8 افراد جھلس کر ہلاک ہو گئے۔ ہلاک ہونے والوں میں 3 خواتین اور 2 بچے شامل ہیں۔ بنگال سمیت ملک بھر میں اس سانحہ پر خوب بحث ہورہی ہے۔ اسی درمیان وزیر اعظم نریندر مودی نے سانحہ پر ناراضگی کا اظہار کرتے ہوئے ہلاک ہونے والوں کو تعزیت پیش کی۔ PM Modi Express Condolences over Birbhum Violence
وزیر اعظم نے ٹویٹ کر کے کہاکہ' میں مغربی بنگال کے بیر بھوم میں ہوئے پرتشدد واقعہ پر تعزیت کا اظہار کرتا ہوں۔ مجھے امید ہے کہ ریاستی حکومت بنگال کی عظیم سرزمین پر ایسے گھناؤنے حرکت کرنے والوں کو ضرور سزا دے گی۔'
پی ایم نے کہا کہ میں بنگال کے لوگوں سے بھی درخواست کروں گا کہ وہ ایسے واقعات کے قصورواروں کو کبھی معاف نہ کریں، جو ایسے مجرموں کی حوصلہ افزائی کرتے ہیں۔ انہوں نے کہا کہ مرکزی حکومت کی جانب سے میں ریاست کو یقین دلاتا ہوں کہ مجرموں کو جلد از جلد سزا دلانے کے لیے جو بھی مدد کی ضرورت ہو گی فراہم کی جائے گی۔'
واضح رہے کہ بیربھوم ضلع کے رامپور ہاٹ کے باگوٹی گاؤں ترنمول کانگریس کے نائب گرام پردھان کے قتل کے بعد گاؤں میں افراتفری پھیل گئی، تاہم دیر رات نامعلوم شرپسندوں کی جانب سے گاؤں کے متعدد مکانات کو آگ کے حوالہ کردیا گیا جس کے نتیجے میں اب تک آٹھ افراد کے ہلاک ہوگئے۔
حکام نے بتایا کہ تصادم کے الزام میں اب تک 11 لوگوں کو گرفتار کیا گیا ہے، جبکہ رامپور ہاٹھ کے انسپکٹر انچارج اور سب ڈویژنل پولیس ایس ڈی پی اور کو معطل کردیا گیا ہے۔ علاقے میں پولیس کی بھاری نفری بھی تعنیات کردی گئی ہے۔
وہیں رامپور ہاٹھ سانحہ میں ایک نئے شادی شدہ جوڑے کی موت پر اہل خانہ نے عدالت سے انصاف کی فریاد کرتے ہوئے سوال کیا ہے کہ ان کی موت کے لیے ذمہ دار کون؟ موت کی جواب دہی کس پر طے کی جائے۔'
مزید پڑھیں:
