کولکاتا:مغربی بنگال کے دارالحکومت کولکاتا کے علیم الدین اسٹریٹ میں سی پی آئی ایم کے دفتر ذرائع کے مطابق نتیش کو دو پروگراموں میں شرکت کی دعوت دی گئی ہے۔ لیکن ان دونوں پروگراموں میں سے کسی ایک پروگرام کو بھی سی پی ایم براہ راست انعقاد نہیں کر رہی ہے۔
سی پی ایم ذرائع کے مطابق نتیش کمار کو 17 یا 21 جنوری کو کلکتہ مدعو کیا گیا ہے۔ علیم الدین ذرائع کے مطابق نتیش کمار نے پروگرام میں شرکت کی رضامندی دیدی ہے۔تاہم بہار کے وزیر اعلیٰ نے منتظمین سے کہا کہ وہ 17 جنوری کو الگ پروگرام کر سکتے ہیں۔ اگر وہ اس دن نہیں آئے تو 21 جنوری کو کلکتہ آئیں گے۔
17 جنوری کو جیوتی باسو کی برسی ہے۔ اس دن نیو ٹاؤن میںجیوتی بوس اسٹڈی اینڈ ریسرچ سینٹر کا سنگ بنیاد رکھنے کی تقریب منعقد ہوئی۔ سی پی ایم کے جنرل سکریٹری سیتارام یچوری کی اس تقریب میں شرکت متوقع ہے۔ اس تقریب میں نتیش کمارکو مدعو کیا گیا ہے۔اگر اس دن موقع نہیں ہے توپھر 21جنوری کو ایک پروگرام میں مدعوکیا گیا ۔
یہ بھی پڑھیں:کولکاتا: بریگیڈ ریلی میں لوگوں کی امڈی بھیڑ
اس میٹنگ میں رام کی جائے پیدائش سے متعلق ایک مباحثہ کا اہتمام کیا گیا ہے۔سی پی ایم بنگال کی حکمران جماعت ترنمول کانگریس کو 17 یا 21 تاریخ کو جیوتی باسو برسی پر منعقد ہونے والے پروگرام میں مدعو نہیں کرے گی۔
