مغربی بنگال کے شمالی 24 پرگنہ کے باراسات میں واقع ضلع انتظامیہ دفتر (district magistrate) میں ریاستی وزیر، ارکان اسمبلی، ضلع پولیس سپرنٹنڈنٹ اور مجسٹریٹ کی موجودگی میں کرناٹک میں کام کے دودان حادثے کے شکار مزدوروں کے اہل خانوں کو دو- دو لاکھ روپے کے چیک تقسیم کیے گئے۔ Bengal Govt Gave Compensation
اس موقع پر ریاستی وزیر جیوتی پریہ ملک نے کہاکہ وزیراعلیٰ ممتا بنرجی کی ہدایت پر حادثے کے 24 گھنٹوں کے اندر حادثے میں ہلاک شدگان کے اہل خانہ کو معاوضہ کی رقم دے دی گئی۔ انہوں نے کہاکہ مغربی بنگال کی وزیراعلیٰ ممتا بنرجی غریب لوگوں کی مدد سے وزیراعلیٰ بنی ہیں۔ اس لیے وہ سب سے پہلے غریبوں کی مدد کے لیے آگے آتے ہیں۔ دوسرے لوگوں کو بھی مدد کرنے کی تجویز کرتی ہیں۔'
اس موقع پر رکن اسمبلی حاجی نورالاسلام اور رکن اسمبلی رحیمہ بی بی نے ہلاک شدگان کے اہل خانہ کو ہر ممکن مدد کرنے کی یقین دہانی کرائی ہے۔ اس کے علاوہ پولیس سپرنٹنڈنٹ راج نارائن مکھرجی اور ضلع مجسٹریٹ سمیت گپتا نے ضلع انتظامیہ کی جانب سے متاثرین کی مدد کرنے کی بات کہی۔'
واضح رہے کہ مرنے والوں کی شناخت محمد عمر فاروق، محمد شمیل اسلام، نظام الدین، شرافت علی اور معراج الاسلام کے طور پر ہوئی ہے۔ تمام مزدور ایک ہی گاؤں کے رہنے والے ہیں۔ غور طلب ہے کہ اس سے قبل گزشتہ ماہ کیرالہ میں مٹی کٹائی کے کام کے دوران زمین دھنسنے سے شمالی 24 پرگنہ کے اشوک نگر کے رہنے والے تین مزدوروں کی موت ہو گئی تھی۔
مزید پڑھیں:
