مغربی بنگال کے بردوان ضلع سے آسنسول سے بی جے پی کے رکن پارلیمان بابل سپریو نے بالی ووڈ کے مشہور گلوکاراور موسیقار واجد علی کی موت پر غم کا اظہار کرتے ہوئے کہاکہ بھارتی فلمی کو نقصان پہنچاہے۔
میوزک ڈائرکٹر ساجد۔واجد کی جوڑی کے مسٹر واجد خان کا پیر کو علی الصبح ممبئی کے ایک اسپتال میں انتقال ہوگیا۔ وہ 42 برس کے تھے۔
مسٹر واجد خان کو کچھ دن پہلے چنبور کے سورانا اسپتال میں بھرتی کیا گیا تھا۔ پیر کو علی الصبح طبیعت زیادہ خراب ہونے کے بعد ان کا انتقال ہوگیا۔
مغربی بنگال کے آسنسول سے بھارتیہ جنتاپارٹی (بی جے پی) کے رکن پارلیمنٹ اور مرکزی وزیر بابل سپریو نے کہا ہے کہ ساجد۔واجد کی مشہور موسیقار جوڑی کے مسٹر واجد کی ناگہانی موت کے بارے میں سن کر انہیں تکلیف ہوئی ہے۔
مسٹر سپریو نے ٹوئٹ کرکے بتایا کہ بہت پیارے دوست اور ایک بہت موثر موسیقار کے انتقال سے موسیقی کی دنیا کو زبردست نقصان پہنچا ہے۔
