عالیہ یونیورسٹی کے موجودہ وی سی محمد علی کی میعاد مکمل ہونے پر مغربی بنگال مدرسہ بورڈ کے موجودہ صدر ابو طاہر قمرالدین کو عالیہ یونیورسٹی کے وی سی کے طور وزارت اقلیتی امور و مدرسہ تعلیم نے مقرر کیا ہے۔ سابق وی سی محمد علی کی میعاد میں توسیع نہیں کی گئی ہے۔ ابو طاہر قمرالدین کو عالیہ یونیورسٹی کے وی سی کے عہدے کی ذمہ داری سنبھالنے کی ہدایت دی گئی ہے۔ Abu Tahir Qamaruddin, New VC of Aliah University
مغربی بنگال حکومت کے وزارت اقلیتی امور و مدرسہ تعلیم کے ماتحت چلنے والی عالیہ یونیورسٹی گزشتہ کئی برسوں سے بحران کا شکار ہے۔ گزشتہ کئی برسوں سے یونیورسٹی میں لگاتار کئی طرح کے تنازعات سامنے آتے رہے ہیں۔ گزشتہ دنوں عالیہ یونیورسٹی کے سابق وی سی محمد علی کے ساتھ نہایت ہی برا سلوک کیا گیا جس میں کچھ سابق طلباء شامل تھے۔ جن کا تعلق برسر اقتدار ترنمول کانگریس سے بتایا جارہا ہے۔ شیخ غیاث الدین منڈل کو اس سلسلے میں پولس نے گرفتار بھی کیا تھا۔ گرچہ ترنمول کانگریس کا کہنا تھا کہ غیاث الدین منڈل کو 2019 میں پارٹی سے نکال دیا گیا تھا۔ جب کہ عالیہ یونیورسٹی کے طلباء کے ایک گروہ کا کہنا ہے کہ ترنمول کانگریس غیاث الدین منڈل کے ذریعے کیمپس میں غنڈہ گردی کروا رہی ہے۔
یہ بھی پڑھیں:
- Violent Behavior With VC of Aliah University: عالیہ یونیورسٹی کے وی سی کے ساتھ نازیبا سلوک اور طمانچہ مارنے کی دھمکی
- Conspiracy Is Going On To Shut Alia University: عالیہ یونیورسٹی کو بند کرنے کی سازش ہو رہی ہے: طلباء یونین
غیاث الدین منڈل پر کیمپس میں متعدد غیر قانونی کام کرنے کا الزام ہے۔ سابق وی سی محمد علی نے بھی اس واقعے کے بعد سے عالیہ یونیورسٹی کے وی سی کے عہدے پر برقرار نہ رہنے کا اعلان کر دیا تھا۔ نو مقرر عالیہ یونیورسٹی کے وی سی فی الحال مغربی بنگال مدرسہ بورڈ کے صدر ہیں۔
