ریاست جموں و کشمیر میں گزشتہ دنوں شدت پسندوں نے مغربی بنگال کے پانچ مزدوروں کو گولی مار کر ہلاک کر دیا تھا، اس واقعے کے بعد ریاستی حکومت نے وہاں کام کرنے والے باقی 131 مزدوروں کو واپس بلانے کا فیصلہ کیا تھا۔
اس فیصلے کے مد نظر گزشتہ شام مغربی بنگال کے تمام مزدور کشمیر سے کولکاتا پہنچ گئے ہیں۔
جس کے بعد مغربی بنگال کے وزیر اعلی ممتا بنرجی نے ریاست کے چیف سیکریٹری اور وزیر مالیت کے ساتھ ایک میٹنگ کے بعد واپس آنے والے مزدوروں کو مالی امداد اور جن مزدوروں کے پاس مکان نہیں ہیں ان کو مکان بنا کر دینے کا اعلان کیا ہے۔
وزیر اعلی ممتا بنرجی نے یہ بھی کہا کہ اس کے علاوہ ان مزدوروں کو کسی اور امداد کی ضرورت ہوگی تو ڈسٹرک مجسٹریٹ کے ذریعے اس کو حل کیا جائے گا۔
