مغربی بنگال کے شمالی 24 پرگنہ کے بیرکپور سے ترنمول کانگریس کے رکن اسمبلی اور ہدایت کار راج چکرورتی فلم کی شوٹنگ سے زیادہ عوام کی خدمات انجام دینے میں مصروف ہیں۔
سوشل میڈیا پر علاقے میں بارش کا پانی جمع ہونے کی شکایت ملنے کے بعد رکن اسمبلی راج چکرورتی حرکت میں آئے اور فوراً حالات کا جائزہ لینے کے لئے علاقے کا دورہ کیا۔ جہاں باشندوں سے بات چیت کی اور جلد سے جلد بہتر بنانے کی یقین دہانی کرائی۔
رکن اسمبلی کا کہنا ہے کہ رات میں سونے سے پہلے فیس بک پر بیرکپور کے مختلف علاقوں میں بارش کے پانی جمع ہونے سے متعلق شکایات موصول ہوئی۔
مقامی لوگوں کی بات سننے کے بعد رکن اسمبلی راج چکرورتی نے کہا کہ لوگوں کی شکایت جائز ہے۔ پانی جمع ہونے سے علاقے میں کئی طرح کی پریشانیاں ہو سکتی ہے، بیماری بھی پھیل سکتی ہے۔
رکن اسمبلی راج چکرورتی نے مزید کہا کہ مانسون سیزن ختم ہوتے ہی بیرکپور اسمبلی حلقے میں آبی نکاشی کو بہتر بنانے کا کام شروع کیا جائے گا جس سے لوگوں کو راحت ملے گی۔
