بنگال کانگریس کے صدر اور رکن پارلیمنٹ ادھیر رنجن چودھری نے وزیر اعلیٰ ممتا بنرجی کو ایک خط لکھ کر تشدد کے شکار کانگریسی کارکنان کے لیے انصاف کا مطالبہ کیا ہے۔ انہوں نے وزیر اعلیٰ پر زور دیا ہے کہ وہ کانگریس کے کارکنوں کو انصاف دلانے کے لیے مداخلت کریں۔'
انہوں نے خط میں لکھا ہے کہ کانگریسی کارکنان پر مبینہ طور پر ترنمول کانگریس کے کارکنان نے حملہ کیا ہے۔'
خط میں ادھیر نے کہاکہ میں حکمران جماعت کے کارکنوں کی طرف سے جمعرات کو مرشد آباد میں دن کی روشنی میں ہونے والے تشدد کی طرف آپ کی توجہ مبذول کرانا چاہتا ہوں، جس میں کانگریس کارکنوں کے گھروں کو نقصان پہنچایا گیا اور لوٹ مار کی گئی۔'
ادھیر نے مزید کہاکہ آپ کو یہ جان کر حیرت ہوگی کہ یہ لوٹ مار اور تشدد مقامی انتظامیہ کی موجودگی میں ہوا۔ علاقے میں غیر یقینی کی صورتحال شرپسندوں کے خلاف کارروائی کا مطالبہ کرتی ہے۔ میں آپ سے اپیل کرتا ہوں کہ اس معاملے میں مداخلت کریں تاکہ متاثرین کو انصاف ملے۔ انہوں نے اس خط کی ایک کاپی ریاست کے چیف سکریٹری اور ہوم سکریٹری کے علاوہ مرشد آباد کے ضلع مجسٹریٹ اور پولیس سپرنٹنڈنٹ کو بھی بھیجی ہے۔
یواین آئی
