کولکاتا: مغربی بنگال کے سابق وزیر اعلیٰ بدھادیب بھٹاچاریہ کے پدم بھوشن ایوارڈ لینے سے انکار کرنے کے معاملے پر سیاسی رہنماؤں کی جانب سے ردعمل کا سلسلہ جاری ہے۔ مرشدآباد ضلع کے بہرامپور سے کانگریس کے رکن پارلیمان ادھیر رنجن چودھری نے سابق وزیر اعلیٰ بدھادیب بھٹاچاریہ کے ہدم بھوشن اعزاز نہ لینے کے فیصلے کی تعریف کی ہے۔Adhir Ranjan Chowdhury Praise Ex CM Buddhadeb
مغربی بنگال پردیش کانگریس کے صدر ادھیر رنجن چودھری نے کہا کہ کسی شخص کے ایوارڈ لینے یا نہیں لینے کا فیصلہ بالکل ذاتی ہوتا ہے۔
کانگریسی رہنما نے کہا کہ کسی بھی شخص کے فیصلے پر ہم تنقید نہیں کر سکتے ہیں، کیونکہ ہم نے یہ فیصلہ نہیں لیا ہے۔ تو پھر اس کے بارے میں ہم کیوں بات کریں۔
انہوں نے کہا کہ مغربی بنگال کے سابق وزیراعلیٰ بدھادیب بھٹاچاریہ بھی ان ہی شخصیات میں سے ایک ہے، وہ کامیاب سیاستداں ہیں۔ وہ ریاست کے وزیر اعلیٰ رہ چکے ہیں۔ انہیں اچھی طرح سے معلوم ہے کہ کس وقت کون سا فیصلہ کرنا ہے۔
دوسری طرف کولکاتا میونسپل کارپوریشن کے مئیر اور ریاستی وزیر فرہاد حکیم نے بھی سابق وزیراعلیٰ بدھادیب بھٹاچاریہ اور دیگر دو اہم شخصیات کے ایوارڈ لینے سے انکار کے فیصلے کا خیرمقدم کیا ہے۔
انہوں نے کہا کہ بی جے پی کی قیادت والی مرکزی حکومت کے بنگال کے ساتھ امتیازی سلوک پر ذمہ دار شخص اس طرح کا فیصلہ کر سکتا ہے۔
