ریاست اترکھنڈ کے سابق وزیر اعلی اور کانگریس کے قومی جنرل سکریٹری ہریش راوت نے آج تراکھنڈ سمیت ملک کے نوجوانوں سے اپیل کی ہے کہ 'وہ ملک کے کسانوں کی حمایت اور زرعی قوانین کے خلاف آواز بلند کریں، تاکہ کسانوں کے ساتھ ساتھ ملک کو بھی بچایا جاسکے'۔
اطلاعات کے مطابق ہریش راوت آج اپنے دورے کے دوران ادھم سنگھ نگر کے کاشی پور پہنچے جہاں کانگریس کے کارکنان نے گرم جوشی کے ساتھ ان کا استقبال کیا۔
ویڈیو
اس دوران وہ صحافیوں سے گفتگو کرتے ہوئے کہا کہ آج کسان تینوں کالے قوانین کو لےکر اس مقام پر کھڑا ہے جہاں اپنی قیمتی چیزوں کے ساتھ ساتھ اپنی قیمتی جانوں کی بھی قربانی دینی پڑ رہی ہے۔ لہذا ملک کے عوام کسانوں کے ساتھ آئیں اور آوازان بلند کریں تاکہ کسان مخالف قوانین کو ختم کرایا جاسکے۔
