ریاست اتراکھنڈ کے دارالحکومت دہرادون کے وکاس نگر میں احتجاج کرنے والی خواتین نے الزام لگایا کہ کوڑا کرکٹ پلانٹ کی وجہ سے دہرادون کے وکاس نگر اسمبلی غلاظت کا مرکز بن چکی ہے، حکومت اس علاقے میں چار لاکھ افراد کی زندگی سے کھیل رہی ہے۔
علاقے میں سانس لینا مشکل ہوگیا ہے اور سنگین وبائی بیماریاں پھیل چکی ہیں اس کے باوجود بی جے پی حکومت اور افسران لوگوں کی جان بچانے کے لیے کوئی اقدام نہیں اٹھا رہیں ہیں۔
گندگی کے خلاف خواتین کا جلوس
مشعل کے ساتھ احتجاج کرنے والے مظاہرین نے متنبہ کیا کہ آئندہ اتوار کے روز اتراکھنڈ کے وزیر اعلی کی آخری رسومات نکالی جائیں گی اور پیر کو کوڑا گھر ہٹانے کے لیے بھوک ہڑتال شروع کردی جائے گی۔
