اتراکھنڈ محکمہ جنگلات کے مطابق آگ سری نگر سے تین کیلومیٹر کی دورہ کے فاصلہ واقع جنگلاتی علاقہ سے شروع ہوئی تھی جو آج جنگل کے ایک بڑے رقبہ تک پھیل گئی۔
اتراکھنڈ کے جنگلات میں لگی آگ کی شدت میں اضافہ
چیف کنزرویٹر آف فاریسٹ پی کے سنگھ نے کہا کہ اس سال، کوماون اور گرھوال میں 900 ہیکٹر سے زائد علاقہ کو آگ کی وجہ سے نقصان پہنچا ہے۔
انہوں نے بتایا کہ 13 مئی تک اتراکھنڈ کے مختلف جنگلاتی علاقوں میں آتشزدگی کے 60 سے زائد واقعات رونما ہوئے ہیں جبکہ یہ تعداد دن بدن بڑھتی ہی جارہی ہے۔
پی کے سنگھ نے مزید بتایا کہ آتشزدگی سے اب 924.335 ہیکٹر رقبہ متاثر ہوا ہے جبکہ اس میں 719.535 ہیکٹر جنگلاتی علاقہ ہے اور 204.8 ہیکٹر رقبہ پنچایتی علاقہ میں آتا ہے۔
ریاست میں پہلے سے ہی لوگ کورونا اور لاک ڈاون کی وجہ سے پریشان ہیں ایسے میں جنگل کی آگ نے عوام کی مشکلات میں مزید اضافہ کردیا ہے۔
